Augnablik - sem ekki gleymast (ljósmyndasýning)

oskar

Augnablik - sem ekki gleymast
-ljósmyndasýning

Hæhæ, ég býð til opnunar á minni fyrstu einkasýningu, þar sem birtar verða ljósmyndir úr heimsreisu sem ég fór í.

Sýningin verður opnuð formlega kl.16.00, laugardaginn 9. ágúst í Perlunni og verður boðið upp á léttar veitingar. Sýningin stendur til 31. ágúst.

Daginn sem sýningin verður opnuð munu stuttar sögur sem tilheyra hverri mynd á sýningunni, birtast á vefsíðunni www.moment.is/syning Þar verður einnig hægt að skoða myndirnar á sýningunni auk töluvert fleiri ljósmynda úr heimsreisunni.

Ykkur öllum boðið að vera viðstödd opnunina, nú eða að kíkja við einhverntímann á meðan sýningin stendur. Mér þætti frábært væri að fá skráningar hér til þess að meta fjölda: https://www.facebook.com/events/663674453708006/

Hlakka til að sjá ykkur flest!

Óskar Páll Elfarsson

oskar

Ég ætla að gerast svo óforskammaður að troða þessu aftur efst á síðuna, sé ykkur öll á laugardag kl 16 !

BenniH

Ég kíkti á sýninguna í dag, takk kærlega fyrir mig, þetta er frábær sýning sem ég hvet alla til að skoða.

Myndirnar eru einstakar, vel unnar og teknar af mikilli næmni fyrir aðstæðum. Nauðsynlegt að lesa myndatextann með hverri mynd, vel skrifaður textinn veitir manni innsýn í ævintýrið sem þessi heimsreisa hefur verið.

Til hamingju Óskar
_________________
http://www.flickr.com/photos/benni65/
Canon EOS 5D Mark III; Canon EOS 7D; EF 16-35mm f/2.8 L II USM; EF 24-105mm f/4 L IS USM; EF 70-200mm f/2.8 L IS II USM; EF 100-400mm f/4.5-5.6 L IS USM; EF 100mm f/2.8 L IS USM Macro; Canon Speedlite 600EX-RT

i_fly

Ég þáði boð Óskar Páls og mætti við opnun sýningarinnar hans í Perlunni í gær.

Ég skal bara viðurkenna hreint út - ég varð agndofa eitt augnablik.

Strákurinn hefur sett saman fantaflotta sýningu þar sem þrjú lykilatriði spila saman:

a) Aldeilis afbragðs ljósmyndun, einkum og sér í lagi þar sem honum hefur tekist að ná mjög einlægum og sterkum mannlífsmyndum

b) Sterk, og á köflum djörf grátónavinnsla sem virkilega lyftir myndefninu og dregur vel fram andblæ og meginefni myndar.

c) Vandað stórprent og innrömmun sem undirstrikar og lyftir myndefninu enn frekar.

Óskar Páll hafði á orði við opnun sýningarinnar að þetta væri stór stund fyrir sig, hér væri hann að reyna að koma fram sem "fullorðinn ljósmyndari"

Það má svo sem velta fyrir sér hvað felst í því að vera "fullorðinn ljósmyndari" og hvort það er í sjálfu sér eftirsóknarvert - en mér sýnist hins vegar augljóst að Óskar Páll er klárlega FLOTTUR ljósmyndari, og það hygg ég að sé nú aðalatriðið þegar upp er staðið. Og mér sýnist líka að um leið og honum hefur tekist að setja upp afbragðs sýningu, þá hafi hann sett sig í þá stöðu að þurfa að taka verulega á ef hann ætlar að toppa sjálfan sig eftir þetta.

Takk fyrir flotta sýningu Óskar Páll - og hjartanlega til hamingju !!!
_________________
Páll Guðjónsson
http://www.flickr.com/photos/i_fly/

https://500px.com/pall_gudjonsson

http://pallgudjonsson.zenfolio.com/

kazi66

Fór á sýninguna áðan, og er enn alveg orðlaus yfir stórverkunum sem þar eru að sjá.

Innilega til hamingju Óskar Páll með þessa sýningu!
_________________
Loksins eftir öll þessi ár...Kveðja Guðbjörg

http://www.flickr.com/photos/gben/

jonfri

stórskemmtilegar myndir

Vala Run · Skráður þann: 11 Apr 2006 Innlegg: 4876 Staðsetning: Reykjavík Canon 40D

Við mæðgurnar fórum um daginn og ætlum að fara aftur í betra næði Smile

Stórglæsilegar myndir hjá Óskari og ég hef reyndar alltaf sagt að hann sé snillingur með myndavélina Smile

það verður ekki tekið af honum Smile

oskar

Hæ

Takk æðislega og yndislega fyrir falleg orð! Maður roðnar smá og verður meyr...

Ég minni á að sýningin er opin yfir menningarnótt og alla leið til mánaðarmóta Wink

Gulli Vals · Skráður þann: 06 Apr 2011 Innlegg: 858 Canon 5D Mark II

Hei þið ekki missa af þessari sýningu - takk fyrir mig Óskar !
_________________
Vertu hamingjusamur á meðan þú lifir,því þú verður lengi dauður.

http://500px.com/GulliVals/photos
http://www.flickr.com/photos/gullivals/

	Forsíða -> Umræður -> Á döfinni	Allir tímar eru GMT
Blaðsíða 1 af 1